Dvel ég í draumahöll og dagana lofa
Síðast þegar ég tékkaði á tímanum.
Leit laumulega á úrið.
Var klukkan rétt um 2005.
Éggetsvosvariðþað!
2007?
Nei sko!
Ég lifði prófin af og mér reiknast til að ég hafi haldið alveg 77,85% af þeirri geðheilsu sem ég átti fyrir.
Fékk síðan viðurkenningu á próflokadjammi efnafræðinnar sem söngfugl Hvarfs (ásamt einum öðrum tístandi söngfugli).
Við tókum fyrsta erindið í
Leva´s Polka fyrir óteljandi og æsta aðdáendur okkar.
Annars eru víst komin jól.
Svo ég óska landsmönnum nær og fjær gleðilegra jóla!
Í dag
Búin að hlaupa fram og til baka á ganginum. (Var eitthvað svo eirðarlaus)
Búin að sofna í baði með mjög þunga bók í höndunum. En enginn er verri þó hann vökni (nema bók sé).
Búin að borða tvo kexpakka.
Búin að fá 4 taugaáföll. Sem er frekar lítið.
Búin að hugsa um allt sem telst skemmtilegra en þessi próflestur (meðal annars mónótónískur fyrirlestur um myglusveppi í Mongólíu)
Búin að segja hátt og snjallt við sjálfa mig: Þetta er ótrúlega skemmtilegt.
Það var ekki fyrr en þá sem ég hristi hausinn (og sagði upphátt), nei nú ertu orðin endanlega geðveik.
Rétt í þessu lenti ég í átjánþúsandasta og fjórða skipti í úrtaki Gallup á könnun á bankaviðskiptum.
Ég er akkúrat manneskjan í slíkt enda mikið búin að pæla í vöxtum og vaxtakjörum og fneblesmefjármálagumsi.
Svar í 79,45% tilvika var: veit það ekki.
Sem er reyndar líklega bara í réttu svarhlutfalli við almenn svör hjá mér.
