Górilluvarnir
Mér finnst mjög skemmtilegt að einhver hafi rambað inn á bloggið mitt með leitarorðunum Túrilla Blúmenberg á gúgúl.
Í dag borðaði ég brauð. Með hnetusmjöri og sultu.
Ætli ég sé berdreymin?
Mig dreymdi brauð. Með hnetusmjöri og sultu.
Broskallaóöryggi
Ég undrast fólk sem kann ekki að lesa nema að það séu þyrpingar broskalla hengdar aftan við annað hvert orð. Það skilur ekki hvort ritandinn sé reiður, kátur, leiður eða að grínast nema a.m.k. einn þessara: :) ;) :D :( sé viðhangandi.
Ég las blogg fyrir stuttu þar sem góðlátlegt grín kom við sögu. Lesandi tók því ekki á gamansaman hátt - því það var nefnilega ekki broskall með til að útskýra djókið. Lesandinn kom með þá ráðleggingu að best væri að bæta alltaf broskalli aftan við allt grín, til að koma í veg fyrir misskilning.
Mér finnst þetta skondið.
Kannski þurfum við á endanum að innleiða broskalla í skáldsögur og ljóð. Svo að enginn verði nú í nokkrum vafa hvað við sé átt. Ekki viljum við það.
Blikkukall.